நட்புக் கவிதைகள்

எவ்ளோ வருஷமாச்சுடா பாத்து !!! “

என சிலிர்ப்புடன்
 

பெயர் சொல்லி அழைக்கும்
 

நண்பனுடன் பேசுகையில்
 

பயமாய் இருக்கிறது
 

“எம் பேரு ஞாபகமிருக்கா”
 

என கேட்டு விடுவானோ ?

 --------------------------------------------

அப்பப்போ

போன் பண்ணுடா…

எனும் சம்பிரதாய விசாரிப்புக்கு

“கண்டிப்பா”

என நகர்வான்,

நான் கொடுக்காத நம்பரை

அவன்

எழுதிக் கொள்ளாமலேயே.

---------------------------------------------

பொய்கள் தான்

உண்மையாகவே
 

நட்பைக் காப்பாற்றுகின்றன.
 

“நேற்று கூட பேச நினைத்தேன்”
 

என
 

யாரோ பேசிக் கடக்கிறார்கள்
 

செல்போனில்.....

-----------------------------------------------------------