நட்புக் கவிதைகள்

எவ்ளோ வருஷமாச்சுடா பாத்து !!! “

என சிலிர்ப்புடன்
 

பெயர் சொல்லி அழைக்கும்
 

நண்பனுடன் பேசுகையில்
 

பயமாய் இருக்கிறது
 

“எம் பேரு ஞாபகமிருக்கா”
 

என கேட்டு விடுவானோ ?

 --------------------------------------------

அப்பப்போ

போன் பண்ணுடா…

எனும் சம்பிரதாய விசாரிப்புக்கு

“கண்டிப்பா”

என நகர்வான்,

நான் கொடுக்காத நம்பரை

அவன்

எழுதிக் கொள்ளாமலேயே.

---------------------------------------------

பொய்கள் தான்

உண்மையாகவே
 

நட்பைக் காப்பாற்றுகின்றன.
 

“நேற்று கூட பேச நினைத்தேன்”
 

என
 

யாரோ பேசிக் கடக்கிறார்கள்
 

செல்போனில்.....

-----------------------------------------------------------

நட்புக்கு கூட கற்புகள் உண்டு . . .

ஒன்பதரை மணி காலேஜிக்கு

 ஒவ்வொருத்தனா கெளம்பும் போது
 

ஒருத்தன் மட்டும் தூங்கிகிட்டிருப்பான்
 

ஒன்பது இருபது ஆகுற வரைக்கும்...

 

அடிச்சி புடிச்சி கெளம்புறப்போ
 

அரை குறையா குளிச்சதுண்டு
 

பத்து நிமிஷ பந்தயத்துல
 

பட படன்னு சாப்டதுண்டு

பதட்டதோட சாப்பிட்டாலும்
 

பந்தயத்துல தோத்ததில்ல,
 

லேட்டா வர்ற நண்பனுக்கு
 

பார்சல் மட்டும் மறந்ததில்ல!

 

விறுவிறுன்னு நடந்து வந்து
 

காலேஜ் Gate நெருங்குறப்போ
 

'வெறுப்படிக்கிதுடா மச்சான்'னு
 

ஒருத்தன் பொலம்பி தொலச்சாக்கா,
 

வேற எதுவும் யோசிக்காம
 

வேகவேகமா திரும்பிடுவோம்
 

வெட்டியா ரூம்ல அரட்டை அடிக்க,
 

இல்ல 'வெற்றி' தியேட்டர்ல படம் பாக்க!

 

'கஷ்டப்பட்டு' காலேஜிக்கு போனா
 

கடங்கார professor கழுத்தறுப்பான்...
 

assignment எழுதாத பாவத்துக்கு
 

நாள் முழுக்க நிக்கவச்சி தாக்கறுப்பான்!

 

கேலி கிண்டல் பஞ்சமில்ல,
 

கூத்து கும்மாள குறையுமில்ல,
 

எல்லாருக்கும் சேத்துதான் punishmentன்னா
 

H.O.Dய கூட விட்டதில்ல!

 

ஈ அடிச்சான் காபி இந்தபக்கம்னா
 

அத அடிப்பான் காபி அந்தபக்கம்...
 

ஒருத்தன் மட்டும் படிச்சிட்டு வந்து
 

ஒன்பதுபேர் பாஸ் ஆனதுண்டு!

 

பசியில யாரும் தவிச்சதில்ல
 

காரணம் - தவிக்க விட்டதில்ல...
 

டீக்கடையில கடன்வச்சி குடிச்சாலும்
 

சரக்கடிக்க பஞ்சமே வந்ததில்ல!

 

அம்மா ஆசையா போட்ட செயினும்
 

மாமா முறையா போட்ட மோதிரமும்
 

fees கட்ட முடியாத நண்பனுக்காக
 

அடகு கடை படியேற அழுததில்ல ...

 

சட்டைய மாத்தி போட்டுக்குவோம்
 

சாதி சமயம் பாத்ததில்ல,
 

மூஞ்சிமேல காலபோட்டு தூங்கினாலும்
 

முகவரி என்னன்னு கேட்டதில்ல!

 

படிச்சாலும் படிக்கலன்னாலும்
 

பிரிச்சி வச்சி பாத்ததில்ல...
 

அரியர்ஸ் வெச்சாலும் வெக்கலன்னாலும்
 

அந்தஸ்த்து பாத்த ஞாபகமில்ல!

 

வேல தேடி அலையுறப்போ
 

வேதனைய பாத்துப்புட்டோம்
 

'வெட்டி ஆபிஸர்'னு நெஜமாவே
 

மாறி மாறி சிரிச்சிகிட்டோம்!

 

ஒருத்தன் மட்டும் சம்பாதிக்க ஆரம்பிச்சு
 

ஒன்பது பேரும் உக்காந்து சாப்பிட்டப்போ
 

மனசு கட்டபொம்மனா நண்பனுக்கு நன்றி சொல்ல
 

கண்ணு எட்டப்பனா கண்ணீர் சிந்தி காட்டி குடுக்கும்...
 

பக்குவமா இத கண்டும் காணாம
 

நண்பன் தட்டி கொடுக்க நெனைக்கிறப்போ
 

'சாப்பாட்ல காரம்டா மச்சான்'னு
 

சமாளிச்சி எழுந்து போவோம்...

நாட்கள் நகர,
 

வருஷங்கள் ஓடுது,
 

எப்போதாவது மட்டுந்தான் 

இ-மெயிலும் வருகுது
 

"Hi da machan... how are you?" வுன்னு...

 

தங்கச்சி கல்யாணம்,
 

தம்பி காலேஜி,
 

அக்காவோட சீமந்தம்,
 

அம்மாவோட ஆஸ்த்துமா,
 

personal loan interest,
 

housing loan EMI,
 

share market சருக்கல்,
 

appraisal டென்ஷன்,
 

இந்த கொடுமையெல்லாம் பத்தாம
 

'இன்னிக்காவது பேச மாட்டாளா?' ன்னு
 

இஞ்சிமறப்பா போல ஒரு காதல்,
.
 

.
 

.
 

எப்படியோ வாழ்க்க ஓடுது ஏடாகூடமா,
 

நேரம் பாக்க நேரமில்ல போதாகாலமா!

 

இ-மெயில் இருந்தாலும்
 

இண்டர்னெட் இருந்தாலும்
 

கம்பெனியில ஓசி phone இருந்தாலும்
 

கையில calling card இருந்தாலும்
 

நேரம் மட்டும் கெடைக்கிறதில்ல
 

நண்பனோட குரல கேக்க
 

நெனச்சாலும் முடியறதில்ல
 

பழையபடி வாழ்ந்து பாக்க!

 

அலைபேசி இருந்தும் அழைக்க முடியாம போனாலும்
 

orkut இருந்தும் scrap பன்ன முடியாம போனாலும்
 

'available' ன்னு தெரிஞ்சும் chat பன்ன முடியாம போனாலும்
 

'ஏண்டா பேசல?' ன்னு கோச்சிக்க தெரியல..
 

இத பெரிய பிரச்சனையா யோசிக்கவும் முடியல!

 

கல்யாணத்துக்கு கூப்பிட்டு
 

வரமுடியாமா போனாலும்,
 

அம்மா தவறின சேதி கேட்டதும்
 

கூட்டமா வந்தெறங்கி,
 

தோள் குடுத்து தூக்கி நிறுத்தி
 

பால் எடுத்தவரை கூட இருந்து
 

சொல்லாம போக வேண்டிய இடத்துல
 

செதுக்கிவச்சிட்டு போன என் தோழர்கள்
 

தேசம் கடந்து போனாலும்
 

பாசம் மறந்து போகாது!
 

பேசக் கூட மறந்தாலும்
 

வாசம் மாறி போகாது!
 

வருஷம் பல கழிஞ்சாலும்
 

வரவேற்பு குறையாது!
 

வசதி வாய்ப்பு வந்தாலும்
 

'மாமா' 'மச்சான்' மாறாது! 

 

மனம் தளராதே

வாழ்கையில் படிப்பது சில,

உணர்ந்து அறிவது பல,

யார் செய்த பாவம்

நீ ஏனோ பிறந்தாய்.

அதனை மீறி விதி உன் கையில்

இல்லையடி மடப்பெண்ணே

குழப்பமின்றி தெளிந்து விளையாடு

சதுரங்கம் ஆடும் நீ, மறந்தாயே . .

நான் சொல்கிறேன், நம்பு

உன்னால் முடியும்,

உணர்ந்து அறிவது பல,

வாழ்கையில் படிப்பது சில. . .

உன்னால் முடிந்தவரை

நீ போராடினாய்,

போராடுவாய்

மனம் தளராதே. . . .

காதலி தேவை ! ! !

அவசர அவசரமாக
 
எனக்கொரு
 
காதலி தேவைப்படுகிறது.

 
பாதிக்கும் குறைவாய்
 
மறைக்கப்பட்ட உடல்கள்
 
கலவரப்படுத்திப் போகிறது
 
என் ஹார்மோன்களை


சில முத்தங்களும்
 
சில சத்தங்களும்
 
தனித்திருப்பதற்கான
 
தண்டனையாய் படுகிறது



 

online'ல் பார்க்கும் ஒவ்வொரு
 
நொடியும் பேசத்துடிக்கிறது
 
மனது
 
பேசாமல் விட்ட விசயங்களும்
 
பேசுவதற்காய் சேர்த்து வைத்தவைகளும்
 
அழுத்திப்போகிறது மனதை


 
மீறி
 
பேசியவைகள் எல்லாம்
 
சச்சரவுகளில் முடிந்தது
 
பேசாதவைகள் எல்லாம்
 
கற்பனைகள் என ஒளிந்து
 
கொண்டது.


 
அவ்வப்போது எழுதியாகிவிட்டது,
 
உனக்கான காதலையும்,
 
எனக்கான வலிகளையும்,


 
போதும் வா...
 
கிளம்பி வா...
 
வந்து தணித்துப் போ எல்லாவற்றையும்
 
என் காதலியாய்...


 
பின்குறிப்பு:
 
Project இருப்பதால் May 15'க்கு அப்புறம் கிளம்பி வரவும்...

--சரவணன்.K

சந்திப்பு . . .

இரைச்சல் நிரம்பிய

சிற்றுண்டிச் சாலையில்

நீண்ட நாட்கள் கழித்து

சந்தித்துக் கொண்டோம்.

நமக்குப் பிடித்த

இளையராஜா பாடலை

ஒலித்து அழைத்தது

உன் அலைபேசி.

என்னுடன் உணவருந்தி கொண்டிருப்பதாக

பதிலளிக்கிறாய் .

நீண்ட நாட்கள் கழித்து

உன் உச்சரிப்பில்

அழகாக இருக்கிறது

என் பெயர்.

பரஸ்பர நண்பர்களையும்

பரஸ்பர விரோதிகளையும்

பற்றி சிறு குறிப்பு வரைந்து கொண்டோம்

மசால் தோசையை

உண்டு கொண்டே.

எனக்கே மறந்து போன

என் பழைய கவிதை வரிகளை சொல்லி

என்னை அதிர வைத்தாய் நீ.

உனக்கு மறந்து போன

உன் கல்லூரி கால

வீட்டின் முகவரியை

சொல்லி

கணக்கை சரி செய்து கொண்டேன் நான்

இறுதியாக

அருந்திய சக்கரை இல்லாத காபியில்

சுவைத்தது

வாழ்க்கையின் சில நிமிடங்கள்...

மனிதன் மனிதனாக வாழ 18 அம்சங்கள் . . .

முக்கியமான மூன்று . . . .

சொர்க்கத்திற்கு .....

ஓலைகுடிசையினிலே

ஒற்றை நிலா  வெளிச்சதினிலே
 

மங்கை உனக்கு

 

மகனாக பிறந்தேனம்மா!!
 

நீ
 

மனம் மகிழும் நேரம்
 

உன்
 

மாங்கல்யம் 

பறிபோனதம்மா !!

 

மண்டியிட்டு அழுதாயம்மா
 

மனம் இறங்கவில்லை
 

இறைவனம்மா ..
 

மாராப்பு விலக்கி
 

மகன்-எனக்கு
 

பசி தீர்த்தாயம்மா
 

பஞ்சனை இன்றி
 

பஞ்சமின்றி !!

 

கிழிந்தலை உடித்தினயம்மா
 

செல்ல கிளி எனக்கு
 

கீற்று தட்டில்  சோறு இட்டயம்மா
 

முள்ளுகாட்டினிலே
 

முழங்கால் சேலை உயர்த்தி
 

காலனி இல்லாமல்
 

கால் கடுக்க உழைத்தயம்மா!!

 

உடுத்த உடிப்பின்றி - நீ
 

இருக்க புள்ளை - எனக்கு
 

புத்தாடை கட்டி மகிழ்ந்தயம்மா !!

 

பால் பருவம் ஆகிவிட்டதம்மா
 

பள்ளி பருவம் வந்துவிட்டதம்மா
 

பணக்கார பள்ளியில்
 

சேர்க்க  பஞ்சாலைக்கு
 

பயணம் செய்தாயம்மா !!
 

நான் கற்க - கந்து வட்டிக்கு
 

சீமண்ணை வாங்கினயம்மா ..

 

கல்லூரியில் சேர வேண்டும்
 

என்றுதானே உரைத்தேனம்மா ..
 

உயிர் உருக்கும்
 

உலையில்  பணி சேர்ந்தயம்மா
 

கல்லூரி வாசலை மிதிக்க
 

கந்து வட்டிகாரனிடம்
 

ஏசு பெற்றயம்மா

 

கனவுகோலோடு படிக்கின்றேனம்மா
 

நீ  கொடுத்த முத்த பரிசினை

எண்ணிக்கொண்டு ...
 

கடிதம் போட்டேனம்மா
 

அதை
 

அடுத்தவர் படிக்க கேட்டு
 

மனம் மகிழ்ந்தயம்மா !!

 

தந்தி வந்ததம்மா
 

தாவி ஓடினேனம்மா
 

தயக்கமின்றி  நம்
 

தலைஎழுத்தை
 

மாற்ற போகும்  பணத்தை தேடி

 

அம்மா
 

உன் முத்து மகன்
 

வந்திருக்கிறேன்
 

உன் செல்ல கிளி வந்திருக்கிறேன்

கலெக்டராக  வந்திருக்கிறேன்
 

கை நெறைய காசுடன் வந்திருக்கிறேன்
 

கண் திறந்து பாரம்மா அழுகின்றான்
 

அந்த உயிர் அற்ற உடல் மீது !!!!

 

காதல்

கல்லூரி

முடிந்து கடைசி

 

நாளில் கண்ணீரோட
 

பிரிய பட்டோம்..

 

அதற்கு முன்
 

ஒன்றாய்
 

சேர்ந்து புகைப்படம்
 

எடுத்துக்கொள்ள
 

பிரியப்பட்டோம்..

 

என்னிடம்
 

இருக்கும்
 

புகைப்படத்தை
 

பார்ப்பவர்கள்
 

எல்லாம்

 

உன்னை காட்டியே
 

யாரிவள்
 

என்று கேட்கின்றனர்..

 

பல
 

பேருக்கு மத்தியில்
 

இருக்கும் உன்
 

முகம் மட்டும்
 

பிரகாசமாய் ஏன்.

 

காரணம்
 

கேட்டவர்களிடம்
 

சொன்னேன்..

 

அப்பொழுது
 

அவளிடம்
 

காதல் இருந்தது..

ஒரு வரி . . .

என் வாழ்க்கை 

நிகழ்ச்சி நிரலில்

ஒரே ஒரு வரி

.
 
 . .

 . . .

 . . . .

. . . . .

அது உன் முகவரி !!!

ஹைக்கூ கவிதைகள்

ஏறும்விலைவாசி

எந்தக்கவலையுமின்றி

திருடும் எலிகள்!

—————————–———

கொடுத்த கடனுக்காய்

வாங்கிச் சென்றான்

மானத்தை!

——————————–——

சிரித்துச் செத்தான்
 
இடிப்பில்
 

வெடிகுண்டு

——————————–——

எங்கே ஒதுங்குவது
 
மழையில்
 

பார்வையற்றவன்!

——————————–——

குடங்களுடன் 
 
நிரம்பி வழிகிறது
 

வியர்வை!

——————————–——

என் பயணத்தில் ஒரு நாள் . . . .

அந்த வண்ணத்துப் பூச்சி

நான் பயணித்த

இரவுப் பேருந்தில் மெல்லிய

இறக்கைகளை

அசைத்த வண்ணம்

பறந்து கொண்டிருந்தது.

பறந்து பறந்து

சலித்தது போல்,

யாருடைய சட்டையிலோ

அல்லது

சேலையிலோ

ஒட்டிக்கொண்டது...

அதை  நான்

மறந்திருந்த பொழுது

மீண்டும்

பறக்க ஆரம்பித்தது.

அம்மா மடியில் இருந்த

சின்னக் குழந்தை

கையை நீட்டிப்

பிடிக்க முயன்று

தோற்று

அழுதது.

இடையில் நான்

இறங்கிக் கொண்டாலும்

அந்த வண்ணத்துப் பூச்சி

என்னவாகியிருக்குமோவென

சின்னக்கேள்வி(?)

மனதில்

ஒரு பெரிய

சுமையாய்.........

யாருடைய

பூட்ஸ் காலிலும்

நசுங்காமல்  இருந்தால் போதும்! 

- சரவணன.K

காணாமல் போனவன்

யாராவது பார்த்தீர்களா?

இரண்டு நாட்களாக காணவில்லை

அவனை

அடையாளம் தானே கேட்கிறீர்கள்!!??



தனக்கான அடையாளத்தை

தேடித் தேடித்தானே

தொலைந்து போனான்

அவன்...!



வாழ்க்கையை

அவன் வாழவில்லை

அவன் வாழ்க்கையை

அவன்

வாழ்ந்ததில்லை!!!


ஒவ்வொரு முறையும்

உயிர்த்தெழுந்ததும்

எதிர்பார்ப்புகளின் சிலுவையில்

அறையப்படுகின்றன

இவன் ஆசைகள்...!


வாழலாம் என நினைத்தபோது

எதிர்பார்ப்புகள் வாழ்ந்திருந்தது

அவன்

நிகழ்காலத்தை!!??


சாவிற்கு பயப்படாத அவன்

வாழ்க்கை..

சாவதற்கு பயந்து

செத்து செத்து வாழ்ந்தது...!!


அவ்வப்போது

நிராகரிப்பும்

அலட்சியங்களும்

கருகலைப்பு செய்கின்றன

இவன் அடையாளங்களை...!!


கருகலைப்பு செய்யப்பட்டதில்

வழிந்த இரத்தத்தை

தானே துடைத்துக் கொண்டிருப்பான்

மெளனம் கொண்டு!!!

யாராவது பார்த்தால் சொல்லுங்களேன்.

- சரவணன.K

அவசர அவசரமாக எழுதாத கவிதை

கிறுக்கலாய் படுகிறது

எல்லாமே

தோளில் சாய்ந்தபடி

நெஞ்சில் நீ எழுதிய

கவிதைக்கு பிறகு
-------------------------------------------
யாரையோ தேடுவதாய்

தேடிப் பிடிக்கின்றன உன் விழிகள்

நான் பார்ப்பதை
--------------------------------------------------
உன் பாரங்களோடு

என் மீது சாய்கிறாய்

மிதக்கிறேன் நான்
--------------------------------------------------
பார்க்காத தருணத்தில்

பார்த்துவிட படபடக்கிறது

உன் கண்கள்


உன் பார்வையை

கவ்விவிட காத்திருக்கிறது

என் கண்கள்

இரண்டிற்குமாய்

ஏங்கித் துடிக்கிறது என் இதயம்

யாருக்கும் தெரியாமல்

சந்தித்துக் கொண்ட நம் பார்வைகளை

காட்டிக்கொடுக்கிறது

உன் வெட்கம்

- சரவணன.K

"காதல்னா என்ன . . . . ?" பிரபலங்களின் பரபரப்பு பேட்டி ! ! !

"காதல்னா என்ன ....?" என்ற ஹைதர்அலி காலத்து கேள்வியை நமது

கோடம்பாக்கத்து பிரபல ஆட்களிடம் கேட்டோம்....

நகரம் பரபரப்பாக ஆரம்பிக்கும் காலை பொழுது, நாம் சூப்பர் ஸ்டார் ரஜினி

வீட்டில் ஆஜர். வரவேற்பரையில் காத்திருக்கிறோம், ரஜினி "ஜி"யிடம்

( பாபாவிற்குப்பிறகு ரஜினி 'பாபாஜி'யை இப்படித்தான் அழைக்கிறாராம் )

பிரார்த்தனை பண்ணிகொண்டிருப்பதாக சொன்னார்கள். தனக்கேயுரிய ஏற்ற

இறக்கங்களுடன் சொல்கிறார்...

"நல்லா கேட்டீங்க...

நச்சுன்னு கேட்டீங்க...

சூப்பரா கேட்டீங்க...


கண்ணா....


காதல்ங்கறது நதி நீர் இணைப்பு மாதிரி....

இழுக்கவும் முடியாது...

முடிக்கவும் முடியாது...

அப்பறம் ஏண்டா ஆரம்பிச்சோம்னு இருக்கும்.

நான் சொல்றத சொல்லிட்டேன்...

இல்ல நான் காதலிச்சே தீருவேன்னா...

என் பாக்கெட்லேர்ந்து ஒரு வெத்து பேப்பர் எடுத்து கொடுக்குறேன்...

லவ் லெட்டர் எழுதி டெவலப் பண்ணிக்கோ.


இது எப்படி இருக்கு?... ஹா . ஹா . . ஹ . . .
___________________________________________________________________________________________________________

ஆரவரமில்லாத உலக நாயகன் கமல் வீடு. கேள்வியை முன் வைத்ததும்

காரணமின்றி சிறிது நேரம் நம்மை முறைக்கிறார். பிறகு சிரித்தவாரே

சொன்னது இங்கே...

".... ம், காதல்ங்கறது புரிந்த புதிர்... ம்.. இப்படி சொல்லலாம். புரியாததற்கு

பெயர்தான் புதிர் என்பது நம் அனைவருக்குமே புரிந்ததுதான், ஆனால் இது

புரிந்த புதிர், அதாவது புதிர் என்பதே புரியாததுதான் என்று புரிந்த புதிர். நான்

இன்னொன்றும் சொல்வேன்...

[இதற்கு மேல் தாக்குபிடிக்க முடியாத நமது நிருபர் தெறித்து ஓடுகிறார்]
_______________________________________________________________________________________________________________

கட்சி வேலையில் பரபரப்பாக இருக்கும் கேப்டன் விஜயகாந்தை தொடர்பு கொண்டோம்.

"நானே பிரஸ் மீட்டுக்கு ஏதாவது காரணம் கிடைக்காதான்னு இருந்தேன்..

சரி சரி மத்த பேப்பர்காரங்களையும் கூட்டிக்கிட்டு ஆண்டாள் அழகர்

மண்டபத்திற்கு வந்திடுங்க." என்றார்.


மாலை 4 மணி, நிருபர்கள் புடைசூழ நின்றிருந்த கேப்டன் விஜயகாந்திடம்

கேட்டே விட்டோம். முன்பே தயாராக வந்தவராக எடுத்து விட்டார்..

"தமிழ் நாட்டுல மொத்தம் 63426 பேர் காதலிக்கிறாங்க, அதுல 31713 பேர்

ஆண்கள், அதே 31713 பேர் பெண்கள் (!!??). நான் இவங்களுக்கெல்லாம்

ஒண்ணே ஒண்ணு சொல்லிக்கிறேன், என் கட்சியில 'காதலர் அணி' இருக்கு

அதுல வந்து சேர்ந்துடுங்க... பிரச்சனய பெரிசாக்கி

அப்புறம் சுமுகமா தீர்த்து வச்சிடறேன்...."
________________________________________________________________________________________________________________

நம்ம விஜய டி.ராஜேந்தரின் பதிலில்லாத ஒரு பேட்டியா? தி.நகரிலிருக்கும்

அவரது வீட்டில் போய் நின்றோம். எப்போதும் உணர்ச்சிவசப்பட்ட

நிலையிலேயே இருக்கும் அவர் தனது வழக்கமான பாணியில் கூறியது..


"ஏய்.... நான் சொல்றேன்டா...

காதலிங்கறவ, கண்ணாடி மாதிரி..

கண்ணுக்கு வெளியில வெச்சு பாதுகாக்கணும்....

ஆனா, மனைவிங்கறவ, காண்டாக்ட் லென்சு மாதிரி

கண்ணுக்குள்ள வெச்சு பாதுகாக்கணும்."


(திடீரென்று சோகமானவராக...)

ஏய், நானும் காதலிச்சவந்தான்டா...

ஆனா, கடைசியிலதான் தெரிஞ்சிச்சு....

கண்ணாடி எப்பவும் காண்டாக்ட் லென்சு ஆவாதுன்னு...


(திடீரென்று உச்சஸ்தாதியில் பாட ஆரம்பிக்கிறார்...)

"அட பொன்னான மனசே பூவான மனசே...

வக்காத பொண்ணு மேல ஆச...

அட வக்காத பொண்ணு மேல ஆச...
.......
நீ ஆச வச்ச பச்சகிளியோ.....

(நாம் இடத்தை காலி செய்த பிறகும் அவரது குரல் தூரத்தில்

கேட்டுக்கொண்டே இருந்தது)
________________________________________________________________________________________________________________

அந்நியன் விக்ரமிடம் பேட்டி வாங்க ஆசைதான் ஆனால் அவர் இன்னும்

எம்பிடி(MPD)யிலிருந்து மீண்டாரா என ஒருபுறம் பயமாகவேயிருந்தது.

அதனால், அவரை பின் தொடர்ந்து நோட்டமிட முடிவு செய்தோம். என்ன

ஆச்சர்யம் அவர் இன்னும் விடுபடவேயில்லை!


அம்பியாக : காதல் தோல்வியை தாங்க முடியாத அம்பி விறு விறுவென

வீட்டிற்கில் நுழைந்து தண்ணீரை மொண்டு குளித்துக்கொண்டே புலம்புகிறார்..


"ஏன் தான் இந்த பொண்ணுங்கள்லாம் இப்படி பண்றாளோ தெரியல..

பேசும் போது நன்னா அம்பி அம்பின்னு வழியறா...

காதல்ன்னு நெனச்சு சொன்னாக்க அண்ணான்றா...

இவாளுக்கெல்லாம் என்ன தண்டனயோ தெரியல..."


(தூள் சொர்ணாக்கா ஸ்டைலில் ஒரு குரல்..)

"எவன்டா அவன், நான் கஷ்டப்பட்டு தண்ணி லாரில புடிச்ச தண்ணிய மோண்டு மோண்டு குளிக்கறது..."

"அய்யய்யோ பார்த்துட்டேளா......!!" - அம்பி எஸ்கேப்

ரெமோவாக: லேட்டஸ்ட் பைக்கில் ஸ்டைலாக வந்திறங்கிய ரெமோவிடம் நண்பன்..
"என்னடா ரெமோ ஒன்ன உன் ஆளு அண்ணான்னுட்டளாமே..."

"ஹாய் கைஸ்.. ஹவார்யூ மேன்...

டேய் காடல்ங்கறது (காதல்தான்) எக்ஸாம் மாதிரி யூ நோ.. எழுத

பயப்படவும் கூடாது, பெயிலாயிட்டா வருத்தப்படவும் கூடாது... கே...!"


அந்நியனாக: இருள் கம்மும், ஆள் அரவமற்ற மெரீனா பீச்.... தனது டிரேட்

மார்க் கெட்டப்புடன் அந்நியன் என்டராகிறான். ஒரு இளம் காதல்

ஜோடியிடம் ஸ்லோ மோஷனில் நெருங்கி.. காதலனது சட்டையப்பிடித்து

கேட்கிறான்...


"டேய், காதலிச்சா தப்பா....?"

"தப்பில்லீங்க.."

"அஞ்சு பேர காதலிச்சா தப்பா....?"

"பெரிய தப்பில்லீங்க.."

"அட் எ டயத்துல அஞ்சு பேர காதலிச்சா தப்பா....?"

"ரொம்ப பெரிய தப்பில்லீங்க....."


(கோபமா, அழுகையா என வகைப்படுத்த முடியாததொரு குரலில்....)

"டேய், அதுல ஒண்ணு என் ஆளுடா......."


அடித்து துவைத்து கருட புராணத்தில் சொல்லப்பட்ட 'கல்யாண போஜனம்'

தண்டனயை தந்துவிட்டு.... தனியே ஒஊ ஓஊஊ என தீம் ம்யூசிக்கை

பாடிக்கொண்டே(!) இருட்டில் மறைகிறான்.

- சரவணன.K